2月 28, 2007

妖..網路大塞車

=.= 只能用15.3買左2手招行.....嗚.......本來應該可以用15大元買的

中銀的網絡更差, 本來可以幫朋友用15元入到招行的...點知...落oder要成十分鐘, 落完又要改
結果都係買唔成.

個市回的真係快...今早好多藍籌都極抵~~ 可惜唔夠money~~唔買就笨了

2月 27, 2007

又跌300多點.

過左春節之後組合的市價都係度不停下跌, 而5行3保正在慢慢著軟陸, 看來都未調整完成.
中人壽, 平保離吸引的價錢仲有一段距離, 儲存定現金準備再入吧, 今次點都要買返一隻來防下身, 以前犯過的錯誤不可一錯再錯.

今日在信報看到曹仁超叫讀者在129的水平吸納匯豐, 對看完會計仔和陸羽仁分析之後, 心里焦慮不安的匯從們會否感到安心一點呢? 美國的低下階層是否真的如此不堪一擊, 坐以待斃申請破產, 把房屋送給匯豐? 匯豐又係唔係未有任何準備呢? 當樓市的劫難過去後, 誰是最後的受益者? 被淘汰的又是誰?

2月 26, 2007

抱恙

仲要失眠...都係訓覺先!!

無題..

咦....發現空姐的行李篋 裡面首歌都幾好聽~ 唔知叫什麼名呢?~~~~~
話時話愈來愈不同的人士寫blog了~~題財真係豐富~~, 怪不得我地都可以當選06年度的風雲人物.
依家的財經節目愈來愈離譜了, 什麼都叫投資, 痴鬼線....明明係有錢人玩的玩物, 經濟差時輸鬼死你.

http://petitelaine.blogspot.com

2月 25, 2007

利豐 VS 思捷

以上兩隻都算是近年恒指新貴, 業績愈來愈正. 論知名度和較多人認識肯定係Esprit勝出.

如兩者之間只能選一, 我個人會選利豐多過思捷, 何解?

1) 穩健
時裝的生意始終受到潮流的影響, 一旦設計出錯, 即時就影響銷量, 當然設計合宜銷量亦會大增. 相比之下利豐反而受惠於fashion的變化, 從而穫得新的訂單.

2)成本
近年Esprit的零售額已經慢慢同批發看齊了, 未來亦需要開大量的分店和請大量的人手, 點樣控制成本, 將會是管理層未來面對的另一問題. 而利豐正是從事幫集團節省不必要的採購成本的業務. 利豐的成本在於開設全球的採購office, 留住高層專業人士流失和適應不斷改變的貿易規則.

3) 門檻
時裝是一項相對容易進入的行業, 每年都有大量的品牌出現, 如何保持品牌的競爭力並不容易. 各地大小的零售商都在搶消費者里有限的支出, 美國時裝巨子Gap近年的業績急速落, 又是一例. 國際名牌Gucci近年亦曾大起大落, 在天才Tom Ford領導之下才起死回生.

利豐的全球化採購, 競爭者好難短時間內威脅到佢的業務, 一來設立全球化的據點需時, 二來要和各地低成本高質量的供應商建立關係, 三來要做提供比利豐更平的服務絕非容易的事.

另外經濟周期對Esprit的打擊更甚於對利豐, 經濟不好, 消費者會節省支出, 但係零售商更要打崩頭去搶生意, 另外節流去搵外判助其提高競爭力. 利豐, 富士康都係全球化的外判的受益人, 中國, 印度崛起亦是如是.

對於的財經演員成日話美國經濟對利豐有害, 証明其不明白利豐的business model.

亦可參考albert公子的利豐篇
http://albertanalyst.blogspot.com/2007/02/494.html


招行VS交行, 正在寫緊.........

投機 , 投資

剛剛有朋友問我投機組合裡有些什麼, 目前有6隻, 佔資金5%左右.
3899, 610, 404 ,699, 2727, 322.

我自已又點選投機股呢?
1)財務一定要健全.
2)行業的前景不錯, 但有周期性.
3)公司業務正在復甦中.
4)目前價值被市場低估.
5)股價正在上升中, 感覺有機會創新高~~~感覺係好重要的~
6)投機組合會隨時賣出 ~ 下跌超左15%就會止血.
7)有一樣係同別人不同的, 就係股票未被市場重估時, 我都可能長時間hold住, 唔等錢用的話.
8)我的投機不等同短線炒買~~~~~
8)仲有一樣野, 我唔賺夠50%都唔會走架 ~~~
9)仲有一樣重要野~~~無需要唔好投機,如有需要請用不超過總資產10%的去投機.
10)最後最重要一樣野唔好玩窩輪~~~~~~~~~~~廢話說完.

如何投資? 之前的投資心法已經說過了

勝人者有力, 自勝者強, 知足者富.

老子云: 勝人者有力, 自勝者強, 知足者富.

近年報章, 財經博客開始流行, 大家都喜歡把自己的成績post出來. 當中很多高手, 有人每年的回報100%, 有人幾年翻幾倍, 財產大多過百萬, 上千萬的也有. 有時自己會在想年齡大家都差不多,為什麼自己這麼差勁, 是不是應該更加冒險一些呢? 當高手們把股票號碼貼出來, 心魔就會欲動, 要不要自己也買一手試試看. 有些高人更加利害, 期指, 窩輪, 外匯, 孖展全部出盡轉眼之間就能賺幾倍...看到眼都紅了.

心平靜不下來, 整個人經常都是在急躁的狀態, 如何能作出理智的決定呢? 曹仁超說有智慧不如趁勢. 但你不理智的情況下,個勢係邊? Who know 中人壽可以升幾倍一年? 如果不跟風, 自己又能如何?

慢慢地自己看別人的文章時, 不再看他貼出來的號碼, 改為想為什麼他要買這隻股票? 有何吸引之處, 這股票後面的公司是如何? 業務是如何的? 產品有什麼用處的? 他的競爭力如何, 對手又如何?.........
學習學習就要學高手的思考方式, 三人行必有我師, 看看今日的我, 再看看昨日的我, 有何分別?.....

投資是很個人化的事, 每個人面對的風險都不同, 每個人想達成目的也是不同, 所以用的投資方法各不相同.
想加快自己的資產利用借貸以節省時間, 但是你能否承受這種突如其來的風險? 亢龍有悔.

2月 24, 2007

Vincent.........

我以前的英文名叫vincent...直至有人告訴我, 他最憎的sales叫vincent...或許他從未聽過這首歌...
或許投資者的內心也是這般孤獨...突然明白左為何鄧, 巴二人最終超過其師但不能傳書於世..價值投資並非
價值咁簡單.....

女人街內的高級西餐廳

公司搬去旺角有一年多了, 同觀塘相比呢度的餐廳非常多, 款式又多選擇. 不用往時哪樣日日都係同一餐廳吃飯~~

每日吃飯時間, 我就會流輪在每一間餐廳試吃, 但是大部份的餐廳都係提供大路貨菜色, 實在沒有什麼驚喜, 如是這般吃了好幾個月, 在路邊, 樓上的餐廳都差不多吃過哂了, 有日突然醒起, 女人街里都有唔少餐廳, 這係咁吃下吃下, 發現左有間台灣餐的麵好好食, 好彈牙, 湯底又正, 價錢又相當實惠, 這間野叫西門町, 成為我經常打敦的餐廳之一了.

記住女人街裡的日式大多都唔多得架, 千萬不要試~~否則一定後悔.

西門町雖然好吃但都不能日日吃架, 吃得多都會厭倦的, 於是又繼續試吃, 這一日經過一間餐廳門口的牌貼左一張報紙叫什麼小港口的高級餐廳云云, 裡面裝飾得都幾有情調咁, 不過價格又好似貴左少少. 但係其他餐廳都吃到無野好食了, 唯有入去試試啦~~~~

當日我記得吃的係意粉...入口的感覺實在係正, 味道鮮美~ 的餐湯都做得好好比好多酒店裡的做的更好, 做出來的菜式都有唔少新意, 大家日後經過女人街可以入去試試, 間野叫"Dates". 午餐時間比晚餐抵好多~~~, 不過晚餐又多的菜式和小菜吃, 主打應該係意大利菜掛~~以咁架價格, 都算係旺角數一數二的西餐廳了.

投資寫的多都要轉轉新意~

2月 23, 2007

看不懂的三林環球

近年來的新股的招股書, 以這一份最難明白...業績的波動巨大, 05-06全年的純利遠遠不及06年的7-9月..但是營業額又跟不上...古古怪怪....好像突然點石成金似的.....決定不抽......此等神仙股還是讓神仙去買吧.

再談匯豐~~

大行的分析員Albert公子叫在下談談對匯豐銀行的看法, 小弟並非金融的專業人士出身, 咁就用小市民的角度吹下水啦, 話說前幾年HSBC到處征戰之後, 目前好像有些消化不良了, 英國和香港的2大業務亦面臨激烈的競爭, 在香港要關閉分行去節省成本. 美國亦面對樓市轉差而增加撥備. 再加上呢幾年發展投資銀行失利, 令佢失去左另一主要的盈利增長點, 最近先發覺發展保險業似乎好一些, 會不會遲左的呢? 以上原因令HSBC股價表現惡劣...今日跌到138.20真係無眼睇.........作為小小小股東仔當然唔happy啦....點解仲唔放左佢 仲想再買..精神有病?...........衰野講完, 講返的好野先~~

自從97亞洲金融風暴之後, HSBC的盈利都沒有受到多大影響繼續上升, HSBC吃到全球化的好處, 就加快到五湖四海的發展, 包括中國, 南美, 印度, 中歐, 東歐, 中東..非洲........ 如果大家有仔細看匯豐收購的個案, 會發現一項有趣的地方, 差不多次次都係趁佢病攞佢命... 唔平唔買, 美國海豐係咁, 英國的米特蘭又係咁, 炒到上天的交通銀行係咁, 平保又係咁..買回之後過多幾年就轉虧為盈....03年的HI又係趁火打劫, 吃左支千年人參唔花一排時間打坐練功, 功力又點增長呢? 所以今日先有咁鬼平的股票比你去買...........寫呢篇真係花時間丫.......跟住有請大行分析員Albert公子出場 ^_^

各位未婚靚女注意啦, Albert公子目前還是獨身貴族~大家識做啦~~~~~

404新昌營造和699嘉新水泥

投機組合中的新昌營造, 買了它大約2個月左右, 現在才出現突破~ 看來我的炒股水平真是差勁.
幸好本人有一點點耐心, 打算1.4左右就把它放掉. 套現拿去旅遊~黃山我來啦, 然後泛舟西子湖, 在靈隱寺邊喝杯龍井茶, 人生一大樂事~

咦, 原來投機組合中另一隻699嘉新水泥都上左來....不過仲未創52周新高~~ 希望3月底前去1.8元啦, 可以玩豪一些~

IDS(2387) 又創新高

利豐系的IDS利和經銷2387自04年末上市後, 由4元左右升到17元了.
如果用PE去衡量它, 你可能永遠都買不下手一直都是3x, 用05年PE計有5x了.
06年中期業績較去年同期增長15.8%, 難道下半年 或 07年的的盈利會破記錄 ?

利和經銷主要向西方品牌擁有者提供完整的泛亞洲地區銷售平台(涉及快速變動的消費品及Unilever﹑P&G﹑J&J﹑耐克﹑阿迪達斯和Timberland等服裝品牌)﹔和向中國品牌提供跨進海外市場的銷售平台, 主要涉及地域包括﹕香港﹑菲律賓﹑馬來西亞﹑泰國﹑中國大陸和新加坡。

06年它有兩項的收購活動, 以3500萬美元(約2.73億港元)收購美國一家成衣物流供應商Impac Logistics Service. 和以代價2575萬美元(約2億港元),全購馬來西亞一家第三方物流服務供應商Sitt Tatt logistics(STLog),以及兩個相關之分銷中心。

另外有一項出售活動, 出售斯林百蘭床品業四成,涉2﹒42億元

愈跌愈殘的匯豐銀行

眼白白睇住個價愈來愈吸引啦, 但係就偏偏唔夠錢買...吹帳......香港幾時好似美國咁實行一股股買丫....一手手邊有咁多錢丫....

剛用10元放左匯源, 賺左小小使費......

中國地產10強







有5間有在香港上市, 中國海外, 合生創展, 綠城, 上海复地, 沿海家園. 自己比較欣賞的係SOHO(點解唔上市=.=) 和金融街. 另外個人覺得投資大陸地產股, 以商務收租為主的公司會好一些.

重溫自己實行中的投資心法....

1. 選擇經濟快速增長的地區的公司.

2. 選擇有市場專利或 壟斷性的公司, 行業的龍頭其產品或者服務,是無可取代的﹔

3. 客戶對這些產品要求是不斷重複的,是有增無減的﹔

4. 競爭無可避免,但不能陷入“割喉”的過度競爭﹔

5. 行業前景比較穩定,受經濟循環的影響比較輕微﹔

6. 公司純利和營業額增長快於經濟增長. (過去5年平均每年純利增長超過20%, 每股利益增長超過15%)

7. 股東資金回報率不低於雙位數(ROE大於15%)。

8. 每年的股息有穩定的增長.

9. 良好的管理層.

可以長線持有的行業:銀行, 保險, 電力, 電訊, 能源, 地產, 日常消費..等等..
個人比較欣賞的公司包括:匯豐系, 宏利, 中移動, 招商銀行, 平安, 中人壽, 利豐系, 思捷, 中華電力, 招商局, 港交所, 太古系, 中石油 和未來上市的南方電網, 國家電網. 嘩..哈哈~~~~全部都係大藍籌~~~~~死未.

2月 22, 2007

匯源中標~

認購左2手匯源, 中了一手~真不錯, 估計明天應該有50%的升幅, 大約9元左右就會放了它.

另外剛剛投機買入了一手上海電氣4.19, 在這謝謝cory兄和wing兄的指點~~

2月 20, 2007

Song~~~~

Wicked Game ~好久都未聽呢首歌啦, 聽翻真係正~

旅遊時份~

轉眼春節假期就過去了, 還有1個多月就到復活節了, 又係時候計劃下去邊處旅遊了, 去黃山, 雲南, 九寨溝,還是張家界, 或者去下澳洲的大堡焦, 韓國的濟州島好似又幾好......東南亞就唔多想去啦, 去台灣的花費最平, 哈哈除左機票和酒店之外, 其他都應該有人請客. 但係日本北海道都未去過.....

看左本羅杰斯本書, 好似東歐都幾好玩下~~~不過需時太耐, 都係等日後充裕的先去, Hmm...都係趁後生, 行遍名川大山比較好的.

真係要好好諗諗先得, 之前買的相機有用武之地了, 今次唔去, 又有兩年都使可以去了~~要比心機進修啦.

好股太多..錢太少....

點唔知......點算好.....點解會咁架, 怪不得富者愈富, 貧者愈貧.......好想買......>_<
開市之後, 投機買入東風先至得.......唔好講笑...

咦..再計清楚發現吉利和長城的PE都係13-16左右, 反而東風有成20...

(改變主意, 上海集優看來更吸引) 上海集優預期的每期純利係16.69分, 但是中期業績已經去到14.85分,
全年起碼都有30分~~~~我唔信自上次老胡打老虎之後, 仲有夠膽在上海做手腳.

1-11月份中國的行業報告

怪不得, 相關的股票升的上天...........看來今年的增速就算減慢. 利潤還是很可觀.
東風, 湖南有色, 中國龍工, 上海集優和電氣, 維柴 等相關股票逄低就買啦~~~~~~唔會死錯人.

------------------------------------------------------------------------------------
 1-11月份,全國規模以上工業企業(全部國有工業企業和年產品銷售收入500萬元以上的非國有工業企業,下同)實現利潤16532億元,比去年同期增長30.7%。工業經濟效益綜合指數188.41,比去年同期提高17.43點。

  在規模以上工業企業中,國有及國有控股企業實現利潤7212億元,比去年同期增長23.9%﹔集體企業實現利潤498億元,增長29.5%﹔股份制企業實現利潤8872億元,增長32.1%﹔外商及港澳台商投資企業利潤4586億元,增長28.0%﹔私營企業實現利潤2521億元,增長47.2%。

  在39個工業大類中,石油和天然氣開采業利潤同比增長26.1%,有色金屬冶煉及壓延加工業增長107.5%,交通運輸設備制造業增長45.2%,專用設備制造業增長49.6%,電力行業增長37.8%,電子通信行業增長31.1%,煤炭行業增長19.9%,化工行業增長17.4%,鋼鐵行業增長20.2%,石油加工及煉焦業淨虧損425億元。

  規模以上工業企業稅金總額12084億元,同比增長22.3%。其中,國有及國有控股企業稅金總額6698億元,增長18.9%。

  規模以上工業企業實現主營業務收入275693億元,同比增長26.0%。其中,國有及國有控股企業90024億元,增長20.4%。

  11月末,規模以上工業企業應收帳款淨額32997億元,同比增長19.3%。其中,國有及國有控股企業應收帳款淨額8289億元,增長11.4%。工業產成品資金14988億元,同比增長18.1%。其中,國有及國有控股企業產成品資金4081億元,增長13.4%。

中國的超大企業

紅色都是未上市的公司 ^_^ , 今年可能上市的有南方電網和鐵路工程總公司

---------------------------------------------------------------
2005年,我國資產總計最多的十家企業集團依次為:國家電網公司、中國石油天然氣集團公司、中國中信集團公司、中國石油化工集團公司、中國光大(集團)總公司、中國電信集團公司、中國移動通信集團公司、中國平安保險(集團)股份有限公司、中國網絡通信集團公司、中國南方電網有限責任公司。十家企業集團的總規模為63385.67億元,比上年增加了7698.66億元。其中,國家電網公司資產高達11697億元,比去年增加了582億元。第十位中國南方電網有限責任公司的資產為2701.2億元,比去年增加了240.7億元。

2005年,我國營業收入最多的十家企業集團依次為:中國石油化工集團公司、中國石油天然氣集團公司、國家電網公司、中國移動通信集團公司、中國南方電網有限責任公司、中國電信集團公司、寶鋼集團有限公司、中國中化集團公司、中國第一汽車集團公司、中國鐵路工程總公司。十家企業集團的總收入接近35300億元,在上年增加5000多億元的基礎上,再增5650多億元。最大的企業集團中國石油化工集團公司的營業收入為8572億元,比去年增加了1934.4億元。第十位中國鐵路工程總公司的營業收入為1262.6億元,比去年增加了299.5億元,增幅高達31.1%。

  從我國營業收入10強的結構變化看,與去年相比,中國鐵路工程總公司從15位躍升至第10位,取代了中國糧油食品(集團)有限公司。從排名變化看,前四位保持穩定﹔中國南方電網有限責任公司從第8位升至第5位,中國電信集團公司從第5位退至第6位,中國中化集團公司從第6位退至第8位。

2月 19, 2007

鏗鏘集

嘿嘿, 剛剛看完鏗鏘集 , 更堅定準備把Esprit買入作為中長期的組合之一.
如果香港能買到Visa or Master 的股票就更好了. 或者是時候考慮投資美國股市了.

2月 17, 2007

「投資者教育」講座系列2007

公開大學的「投資者教育」講座系列2007

http://www.ouhk.edu.hk/WCM/?FUELAP_TEMPLATENAME=tcSingPage&ITEMID=CCLIPACECONTENT_57676941&lang=chi&FUELAP_SITEDBID=SITE_-65

=.= 聽完曹仁超之後, 真係有的驚唔知大陸金融股幾時爆, 要留定多些現金先得啦.
可能趁好消息將中國銀行清左佢先得~~~ 估計佢06年的盈利有440億, 比之前的預期330億高110億.

不過月供招行的決定唔會變~~ 打算放中行, 是因為手上的銀行股太多了, 集中係匯豐和招行就夠了. 一隻係最好的國際銀行之一, 一隻係中國最好的銀行.

目前的組合比例係
HSBC 30%
宏利 20%
利豐 20%
招行 20%
中行 10%

金豬年到啦~~~~

祝各界好友, 身體健康, 心想成事, 財源廣進, 事業順利, 步步高升.

來緊幾日都去求神拜佛了^^ 車公, 黃大仙, 大佛都要走一遍

黃金20年 or 黃金30年?

最近很多報章專欄都係度估中國的黃金歲月有幾長? 我又估埋一份, 不妨由中國的歷史說起...漢朝的盛世由文帝直至漢武帝, 期間有100多年, 唐朝由李世民到李隆基亦有100多年, 宋朝由趙匡義至宋神宗. 都有100多年. 清朝由康熙直到乾隆死都有100多年. 改革由80年開始計,可以去到2080年.

不過2000開始踏入高速增長期, 將來中國會走上美國呢條路 或日本?暫時未知,不過相對中國的開放力度比日本更大,銀行,保險都陸續開放了,來緊到電信業, 好多國企都可以由外資全資擁有了.  

國內好多人擔心中國的企業不敵外資,咁又未必,有競爭才有進步,由互聯網的發展可一斑,這個市場匯合全球精英中的精英. yahoo, ebay, 一早就進入中國市場,不過最後過江龍不及地頭虫, 把中國業務賣翻比中國企業,google目前的情況也好不了多少,正和百度苦戰中,生死難料. 可見國內臥虎藏龍~依家香港好多大行的著名分析員都係國內學者.

現在教育比以前好左好多,訊息又全球化,本身市場又夠大,這樣一個舞台比人去發揮,應該可以去到更久.....不過到時自己已經死左嚕......

2月 16, 2007

MPF~

最近無聊查下MPF的情況, 原來在過去5年, 每年都有15%的增長, 真係估佢唔到...表現唔差
我之前一向都係40% 全球股市, 20%港股, 20%增長, 20%均衡.

剛剛發現又多左2隻基金可以選擇, 亞洲股票和日本股票. 日本點都唔會選的了, 日本的經濟已經沒落了, 來緊可能將組合 變成40%全球, 30%港股, 30%亞洲~

目前的透過MPF間接持有好多的優質股票都幾開心~~ 世界100強盡在手中. 不過點解仲未有中國基金 和 印度基金可以選丫......

好書推薦 for Sales

從事銷售這職業已經有差不多十年了, 如何提高銷售的水平呢? 一路上都係邊做邊學, 好似肓人摸象從經驗中吸收 , 進展極慢. 曾經在唔同的大中小公司都做過了, 大部份提供的都係產品知識訓練~, 對如何提升銷售成績用途不大.

奇怪的係, 香港滿地都係sales, 但是相關的書極少, 有的都係吹水書....勤力, 自信...之類? 點去cold call? 點約到見面? 成個銷售過程點做...如何同客戶建立良好關係?........

可能一直上都覺得自己唔係成功的sales, 所以一直都係度搵緊相關書去學習下~ 3年前終於在公共圖書館發現左一本有用的銷售書了. 一定要看英文版, 中文版翻譯得好生硬.

Customer Centered Selling : eight step to success from the world's best sales force.
Writer : Robert L Jolles.

由於呢兩年都要兩地工作, 在大陸的日子, 最喜歡就係去書店搵書睇. 又發現左2本好書:
Cold Calling Techniques & Closing Techniques. 銷售的第一修練: 電話銷售與成交技巧.
Ask Questions Get Sales 銷售員提問技巧.
這兩本的作書都係Stephan Schffman, 英文版搵唔到, 之前托朋友在美國三蕃市都係搵不到.
中文版都譯得幾好 .

當然成功的sales離不開良好的產品, 和良好公司的support, 不過好多老闆都唔覺>_< .

銷售之道在於問和聽~不在於吹水.

趣聞一則:
當年去某上市公司見工, 被其面試人員問左我一句 : "你有無selling必殺技" ........
心想"有的話我一早就係世界首富啦"...!@#$%^&*(

古怪的和興白花油239 @@

呢隻野真係好古怪丫 @@ 近3年的派息仲多過盈利, 股價又係咁升...
不過白花油的吃水真係好深...毛利好勁........得閒研究下先...好得意^_^

2月 15, 2007

月供招商銀行~

想了很久, 終於做出這樣子一個決定 , 暫時每月供1千, 每月以現價應該有50股左右吧~~ 自己本身沒有耐性, 一有錢就心癢難耐. 現在招行比較偏貴但不知道什麼時候回落了, 但是自己又想增持, 唯有出此下策, 希望今年能用平均的成本買到一些...目標10萬股 ~~供到自己55歲退休不知道能買到多少股呢?

招商銀行今年剛好是成立20年, 不知道今年會不會有紅股送~~~~~~

為什麼會選擇招行?
1)擁有80/20規律中20%的優質客戶群, 很早就注重財富管理業務.
2)業務運作超越同行, 例如今年起客戶可以在網上銀行購買保險了.
3)風險管理卓越, 20年來壞帳都是低於同業水平.
4)客戶服務優質, 國內小資和富豪的最愛.
5)業績和盈利的增長都高於同業.
還有很多............有興趣的用google搜查一下吧, 目前招行的管理水還比不上匯豐, 恒生...但正在持續的改善中. 希望它有一天能成為中國的匯豐銀行.

有一活生生例子令我很難忘, 話說2年多前, 我有一國內友人來香港購物, 開始他在一家名店用信用卡買了一些東西, 之後陪他到一家酒莊選購紅酒, 當他再次用信用卡結帳時, 他的手提就馬上響起, 原來是銀行發現突然他在短時間用巨額購物, 向他了解信用卡是否他本人在正常使用? 我當時就問他, 你用哪家銀行丫? 服務這麼周到? 答案不用我說了吧..

2月 14, 2007

好書Security Analysis on Wall Street

這是一本全面的股票分析書, 內容由宏觀分析至微觀, 想自學分析股票都幾有用..內容精彩, 需極花時間和腦力去學~~可見真正分析一隻股票并不容易. 做功課真係好花功夫架~~~~~ 我仲未看完, 等我睇埋Intelligent Investor 先...


如果唔想買, 去google都有得睇按此..., 速度仲好快, 拿可見goole的成功來之不易~另有中文版華爾街証卷分析60大元不到, 真係好抵 經濟科學出版, 去新華書店買啦.

宏利06年每股純利增長23% ~

宏利金融(0945)公布截至06月12月31日止全年業績,錄得股東應佔溢利39.85億加元,較05年同期增長20.98%,每股盈利增長23%, 攤薄盈利2.51加元,派末期息0.2加元。

第四季度業績,錄得純利11億加元,按年增長21%,每股盈利0.71加元,季度息每股0.2加元。期內營業額91.9億加元,升9.5%。

宏利的管理層亦預期今年的增長可望達到25%. 現在宏利的PE15左右, 如果今年宏利的PE保持係過往的PE19, 目標價可達340 ^^

BTW 如果按06年的EV值計應該有300元, 按07年的EV值股票都係340左右...

2月 12, 2007

眾裏尋他千百度,驀然回首,那人卻在,燈火闌珊處。

《青玉案•元夕》宋•辛棄疾
東風夜放花千樹,更吹落、星如雨。 寶馬雕車香滿路,鳳簫聲動,玉壺光轉,一夜魚龍舞。 蛾兒雪柳黃金縷,笑語盈盈暗香去。 眾裏尋他千百度,驀然回首,那人卻在,燈火闌珊處。

這首詞應用係股市度都幾合適, 最近發現自己買過的股票真係好鬼多...keep住係手就得翻小貓5隻嚕... 以前買過的有中石化, 中石油, 華電國際, 交通銀行, 建行, 中國人壽, 雅居樂, 晨訊科技, 京訊通信 玖龍紙業, 南方航空, 國航, 東航, 中遠, 駿威, 新昌營造, 永恩, 嘉新水泥, 冠捷 ~~嘩嘩...好似仲有好多.........雖然最終都係贏多過輸..不過咁樣太辛苦啦.. 以前幾隻千里馬都係自己手中, 把握住的..實在太少..

其實買咁鬼多都有什麼用? 有邊幾隻的年報係自己有睇架? 而且仲了解佢的行業特性和佢的核心競爭力係邊呢.... 最近自己又係度心花花去研究其他的股票, 不如將精神集中翻手上持有的, 和 將來仲想買翻的兩, 三隻股票算了.

將來的目標係匯豐(1萬), 宏利(2000), 招行(10萬股), 利豐(1萬股)不變, 中人壽和平保其中一隻, 眾多電力電網股一隻. 如果再有多餘的錢可以加多2-3隻, 中移動一隻, 大陸眾多地產其一隻, 眾多消費股中選一隻, 3大銀行其中一隻(農行點都唔選).

好似都仲係太多, 點算好....錢太少...股太多.....再諗諗先~

利豐收購Tommy Hilfiger 採購部門

怪不得呢幾日係咁升啦......原來係呢單deal. 唔知下一次會收購邊間呢, Gap 採購部門 or L & M林麥(915)? 趁佢病攞佢命~~ 915的股票已經跌到新低了,呢間小利豐的命運...

今次收購之後, 令利豐的貿易龍頭地位更加穩固, 本來今年的目標價係30元, 現在已經29了...只差1元...可能明天就到了. .不過這樣就好難買到平貨了.

利豐未來的目標會不會是Zara, H & M, Esprit的採購部門呢? 希望呢匹千里馬能馳騁多幾十年.

最近又心思思想買多一手招商, 但又明知現價偏貴, 今年的波幅可能由13-23, 一有少少錢就身痕,
可見自己的耐心仲未夠, 目前最安全都係買匯豐, 其他金融, 消費, 行業龍頭股的pe已經30-50了, 還是繼續等吧.....等到夜深~~~

.............

天道無情...一位遠在台灣的網友...剛剛走了....一切都是這麼突然... 芳華正茂 的她.....跟病魔奮鬥了4天....唉.....祝她在另一世界幸福快樂.....

人生最大的財富還是健康....保不住什麼都是空的....每年做一次體檢是有必需的.......

2月 11, 2007

書太多...

無聊在整理書桌, 才發現最近買的太多書了.....多到看不完...很多都是讀了一半就放置到一邊了....還有很多完全都沒有看.......真是浪費丫...時間好像永遠都不夠用....自己又不夠專注....

2月 10, 2007

874廣州藥業



廣州藥業可能留意的人不多, 但係佢擁有眾多華南一帶熟悉的品牌, 陳李濟、星群夏桑菊、王老吉、潘高壽、蛇膽川貝枇杷膏與治咳川貝枇杷露. 呢的都係日常保健品牌~~大家應該都好熟識和使用過了. 銷量極之穩定, 而且還在上升中.

過去5年, 只係在04年因為旗下經營藥材的公司經營, 出現重大錯誤發生一次左業績大幅倒退, 但是05的業績已經大幅反彈. 而且營業額和純利都在不斷地增長緊~~派息也在增加中.

係年報中可以見到佢在華東, 華北, 西南的銷售都係度增長緊, 不過在東北, 西北可能由於氣候和文化習慣不同, 銷售難似有所進展. 但傳統華南區的比重佔80%~可見品牌的認同性.

順帶一提廣州藥業在大陸A股的股價係11.09~~

在香港醫藥股之中質素超班..不過目前PE太高...繼續留意中~~ 反而係最大擔心過份依賴涼茶業務的增長~


大陸有篇分析都幾正
http://finance.sina.com.cn/stock/e/20060419/18042513881.shtml

另一篇涼茶銷量大勝可口可樂 ^^
http://www.p5w.net/news/cjxw/200608/t456622.htm

王老吉神話~
http://www.p5w.net/news/cjxw/200609/t519200.htm

思捷~馳騁萬里的千里馬2

本來想寫多一些關於思捷, 不過發現網上已經有大量極隹的分析. 要注意的是思捷未來的增長有3個不同的模式:
1) 自身品牌的擴張, 加強歐洲市場的滲透, 發展北美和大陸市場.
2)通過發展edc品牌擴展市場佔有率.
3)透過收購合併新的品牌.

目前思捷的主要對手係ZARA, H&M , 它們最近的業績都係極佳, 亦正向北美和亞洲擴展. 可見含有時裝設計的中價成衣市場還是極大. 北美的成衣龍頭GAP已經每況愈下, 正好提供極佳的空間給他們發展, 大陸目前對穿著已經愈來愈講究, 特別係上海人~~~~

思捷的合理價應該會在PE20-30之間, 估計未來5年的增長應該都會在20%以上, 如果收購整合的好效果更驚人~~ 持有思捷的朋友唔好咁快放住丫...未來10年3-5倍的增長都有可能.

當然要留意佢收購會唔會產生副作用, 目前我覺得佢係模仿ZARA的模式走下去.

郎咸平-经得住分析的“思捷”
http://www.p5w.net/p5w/fortune/200209/15.htm

會計仔的思捷系列
http://accountboyhk.mysinablog.com/index.php?op=ViewArticle&articleId=212866
http://accountboyhk.mysinablog.com/index.php?op=ViewArticle&articleId=212869
http://accountboyhk.mysinablog.com/index.php?op=ViewArticle&articleId=212872
http://accountboyhk.mysinablog.com/index.php?op=ViewArticle&articleId=212880

鄧小閒的思捷系列
http://hk.myblog.yahoo.com/banking_mind/article?mid=301
http://hk.myblog.yahoo.com/banking_mind/article?mid=302

下次會介紹一些行業的龍頭股~~~~~~~我都係覺得大價股先有安全感~~~保持每年25%的增長已經滿足了. 最近大多人都說匯豐, 身為匯徒之一..反而希望佢跌多的, 可以換多的股...最好係5月前都唔好升...當時又可以買多一手了...
其實今次匯豐的管理局反應迅速, 一早提出預警, 如果狠心一的, 一次將樓按大幅撥備, 令今年業績見紅, 未嘗不是好事? 身為小股東又何需太擔心呢..

最吸引異性的特質

剛剛係Yahoo見到, 都有的參考作用~~~~ 各位兄弟, 姐妹加油

請問你覺得男性有以下哪些特質是最有吸引力呢?
善解人意 (2264票)
73%
風趣幽默 (2064票)
67%
紳士風度 (2042票)
66%
有愛心 (1948票)
63%
智慧 (1928票)
62%
浪漫 (1502票)
49%
陽光氣息 (1239票)
40%
有錢/地位 (1235票)
40%
甜美笑容 (1013票)
33%
迷人眼神 (890票)
29%
身型健碩 (860票)
28%
廚藝 (768票)
25%
潔白牙齒 (727票)
24%
腹肌 (282票)
9%
---------------------------------------------------------------

請問你覺得女性有以下哪些特質是最有吸引力呢?
善解人意 (2648票)
77%
甜美笑容 (2433票)
71%
有愛心 (2223票)
64%
迷人眼神 (1668票)
48%
皮膚白淨 (1507票)
44%
修長美腿 (1348票)
39%
智慧 (1271票)
37%
纖腰 (1216票)
35%
陽光氣息 (1178票)
34%
豐滿胸部 (1171票)
34%
廚藝 (1132票)
33%
潔白牙齒 (1051票)
31%
體格健美 (962票)
28%
風趣幽默 (903票)
26%
浪漫 (861票)
25%
有錢/地位 (294票)
9%

2月 08, 2007

思捷~馳騁萬里的千里馬

今日330思捷公布業績, 真係比佢嚇一跳, 估不到佢仲可以有28%的高增長. 初次留意思捷應該係在01年左右, 果陣經常要坐火車~電台的財經新聞, 時常談論佢, 當時股市一潭死水, 唯獨佢的股票3級跳, PE成40-50倍, 還記得聽時的財經演員紛紛叫人沽貨........未寫完..去訓覺先~最近太累啦..又係度頭痛情人節如何安排..待績......~~~~~~

2月 02, 2007

惠記610

惠記610本身有3大業務, 1是公路, 2是建築, 3是建材.旗下的公路業務由子公司路勁1098負責, 惠記持有路勁超過40%的股份. 目前路勁市值80億元, 惠記市值23億左右, 但是40%路勁的股份已經值32億了. 由惠記的年報得知, 05年建築賺15百萬, 建材賺4百萬, 另外農藥方面虧損13百萬.

前景方面, 大陸新的5年計劃, 農業是重點之一, 基建也需要大量的石材, 建築也受惠於香港的復甦和大陸, 澳門的房地產發展. 加上子公司路勁正在發展房地產, 可以同惠記的建築, 建材產生協同效應.


目前市值被過份低估. 其派息穩定, 加上股息每年以20%的速度增長, 目前股息有5%, 正是吸納的好時機