9月 29, 2006

第一次借貸投資

考慮了很久, 很久終於決定向匯豐銀行申請分期來買股票, 作為一個保守的人, 這次算是一個重大的心理突破. 等了2個星期, 終於審批了5萬多給我, 分48個月來慢慢還, 如果要自己慢慢存, 可能要1年到2年的時間.

這節省了時間就是重要的價值, 人生最缺的就是時間, 千金難買寸光陰. 未來的20年是自己最重要的黃金時間, 錯過了就會後侮一生, 未來20來的投資大方向就是中國市場, 金融, 保險是今後永不落伍的兩大產業, 我並不祈求能找到每年成長幾倍的神仙股, 只希望找到20% -30%增長的千里馬就夠了.

這次我要買的就是中國第6大銀行招商銀行, 如果它上市後股價在9元以下, 我會買1萬股. 如果在10元樓上, 哪會把錢買交通銀行.

今年的目標沒有大的改變:
匯豐銀行
利豐
招商銀行
交通銀行
中國銀行

還有明年...希望能買到回中國人壽, 作為永久的投資. 匯豐銀行去或留, 只是難以決定.
這隻千里馬是否真的老了, 還是在養精蓄銳呢? 但它已經是世界上最大資產的銀行了, 成長的空間還有多少呢? 再給5年的時間它吧. 這家140的老字號銀行.

天天睇市產生食自助餐效應 

天天睇市產生食自助餐效應  

散戶常犯錯誤:
一、不賣不蝕。結果唔少人自1994年至今住唔少蝕本貨,十二年仍然未見家鄉。
二、你買我買。買入理由純因別人買,自己對該股一D都唔瞭解。
三、深入研究後,然後決定同該股「結婚」,一世不離不棄(如果係愛情便認真偉大,但投資便認真贛居)。上述都係行為心理學,指出散戶常犯錯誤;有時自己亦會犯,較別人好係有自知之明,及時糾正。行為心理學家認為,當人獨處之時係理性,當成為群眾便變成非理性,此乃點解大量球迷會燒車,少年集體之時甚至會殺人!成功投資者必須離群獨處,不然好易變成非理性分子。  

 投資唔係遊戲,首先應制訂策略,然後依照計劃行事。未認識股市前,先認識自己點解買入,唔係話你好快會加入80%輸家行列。一旦犯錯,唔好搵藉口,立即行動止蝕!唔好讓小問題演變成大問題,進一步變成無可挽救問題。止蝕愈快愈好,唔好因虛假期望阻礙你行使止蝕,錯立即承認,採取行動止蝕,然後搵更好投資項目!「希望永遠在人間」係講畀失敗者聽謊言!唔好信。

投資如生孩子貴精不貴多  任何投資事前必須做功課,千祈唔好打天才波。投資應分散,最少三項最多六項(如你投資超過十隻股票,我老曹認為你已有問題,除非你係基金經理。冇人有足夠時間打理十項投資。投資如生孩子,貴精不貴多)。例如不應持有多於兩隻科技股、不應持有超過兩隻資源股,更不應持有超過兩隻銀行股或兩隻地產股。散戶投資貴精不貴多,千萬不可抱開超市心態,只有大財團才可開超市,散戶只可經營精品店。

如果投資項目有利潤,賣掉三分一後其餘讓利潤往前跑。  唔好投資高負債公司,因為佢地抗跌能力差及集資能力差,除航空公司(因為要借錢買飛機),其餘公司負債高一定有問題,因為高通脹期已結束,借錢發達日子1997年劃上休止符;公司毛利率低者亦應沽出,咁代表冇競爭力,必須將產品賤價而沽才能保持市場佔有率;毛利率低於15%者已不應沾手,除非你真正瞭解該行業,明白該行業盛衰週期。例如酒店業,唔少成功者2003年擴充,因為佢地知道自由行將改變酒店業生態環境,但到今年應否繼續擴充又成疑問。例如零售業唔少老行專2003年低毛利率時期擴充,去年下半年起便停止,充分利用行業盛衰週期。乜GDP增長率、零售數字、失業率甚至CPI增長率,都係落後指數,可以不理。一間公司如存貨上升而毛利率下降便得小心,此乃危險訊號,沽之哉。

9月 01, 2006

曹仁超語錄 2

 世事無絕對,人生才有趣。過去我地相信油價升股市跌,近年油價升股市跟升……。過去唔少人相信減息股市升、加息股市跌,2001年起我地卻發現減息股市跌、加息股市升!

  我地習慣用簡單嘅理由去解釋唔明嘅現象,例如話非洲蝴蝶拍拍雙翼,便可令我地刮颶風,諸如此類,理由係大部分人不求甚解。我老曹母親常常講深海大魚「轉側」引發地震,現代人當然唔信,因為知道地震嘅理由,但深海大魚「轉側」引發地震嘅言論,喺中國農村社會已流傳咗幾千年!

  唔少人到沙灘都會玩砌堡壘遊戲,通常到達某一體積便崩塌。1987年三位物理學家Per Bak、 Chao Tang及Kurt Weisenfeld亦玩過呢個遊戲。有人提出疑問:到底沙堡壘到邊一個體積才崩塌?為求答案,三位物理學家返紐約Brookhaven國家實驗室開始玩砌沙堡壘遊戲,其後將之變成電腦程式,利用模擬方式喺電腦內砌沙堡壘。經過過百萬次砌沙堡壘後,結果發現「體積」並唔重要,有時好細亦會塌下來,有時高高仍未塌,決定因素係每桶沙倒下之時必須小心輕放,以及達至平衡;如放之時唔小心擾亂咗平衡,便會產生崩塌情況。其後佢地求出一條方程式叫非平衡體系(nonequilibruim systems),依家已應用於防止雪崩出現或山泥傾瀉。例如雪山下咗一場大雪,只要雪嘅分佈達致平衡狀態,係唔會出現雪崩嘅(反而體積唔重要);反之,如雪嘅分佈出現非平衡狀態,便好易引發雪崩。山泥亦一樣,如達至平衡分佈冇問題;反之,如出現非平衡狀態,便會出現山泥傾瀉。利用呢條方程式,可及時阻止非平衡態出現(例如炸掉其中唔平衡狀態下嘅雪或山泥),便可防止雪崩或山泥傾瀉出現。換言之,今天雪山或山泥透過電腦輸入數據分析,變成完全可預測會否出現雪崩或山泥傾瀉。

個別行業崩塌唔會拖垮大市

  今天我老曹唔係要教各位物理,而係講投資。原來投資心理亦一樣,可以產生非平衡狀態;一旦非平衡狀態形成,小小因素便可引發雪崩現象。例如1987年股災前,股市早已形成非平衡狀態,再因電腦沽盤引發一連串連鎖反應,造成股災。又如1997年7月前香港樓市早已形成非平衡狀態,白眉董一聲「八萬五」,便引發樓市大崩潰!例如今年2月黃金早已出現非平衡狀態,貝南奇上任引發美元滙價大幅回落,刺激金價由五百二十美元升至七百三十美元,亦係另一次非平衡體系被引發!換言之,只要響市場未進入非平衡狀態前設法阻止(例如將部分雪炸掉去防止雪崩),係可以阻止類似股災事件出現。

  再講砌沙堡壘理論。Bak發現傾斜度愈大、愈容易倒下來;傾斜度愈細,愈唔易倒下來。投資市場亦一樣,如上升軌傾斜度少於四十五度角,通常容易維持;反之,傾斜度大於四十五角度,失守機會便上升;一旦傾斜度達七十五度角,通常都守唔住。再玩一個遊戲,就係喺大沙丘內分成幾個小沙丘,即使其中一個小沙丘崩潰,其他小沙丘所受影響十分細,並唔會引發全面崩潰。股市亦一樣,如果只炒個別行業性升降,例如去年3月起航運股出現崩塌現象,卻冇帶動整個股市塌下來;今年5月資源股亦曾出現崩塌現象,亦冇拖垮整個大市。換言之,股市響個別發展情況下,係無法引發大崩圍!即股市嘅生態環境決定,股市會否整個塌下來。上述理論亦用於城市設計,喺建築上只要整個形態唔產生非平衡狀況,即使地震亦唔會演變成唐山大地震,只會造成十分輕微嘅破壞。如政府及時制止金融市場出現非平衡狀態,股市係唔會出現股災嘅;又例如1997年7月香港樓價高企,如白眉董唔拋出「八萬五」政策,香港樓市極有可能只出現軟著陸而非崩塌!

曹仁超語錄 1

 投資唔係遊戲,首先應制訂策略,然後依照計劃行事。未認識股市前,先認識自己點解買入,唔係話你好快會加入80%輸家行列。一旦犯錯,唔好搵藉口,立即行動止蝕!唔好讓小問題演變成大問題,進一步變成無可挽救問題。止蝕愈快愈好,唔好因虛假期望阻礙你行使止蝕,錯立即承認,採取行動止蝕,然後搵更好投資項目!「希望永遠在人間」係講畀失敗者聽謊言!唔好信。

投資如生孩子貴精不貴多  任何投資事前必須做功課,千祈唔好打天才波。投資應分散,最少三項最多六項(如你投資超過十隻股票,我老曹認為你已有問題,除非你係基金經理。冇人有足夠時間打理十項投資。投資如生孩子,貴精不貴多)。例如不應持有多於兩隻科技股、不應持有超過兩隻資源股,更不應持有超過兩隻銀行股或兩隻地產股。散戶投資貴精不貴多,千萬不可抱開超市心態,只有大財團才可開超市,散戶只可經營精品店。

如果投資項目有利潤,賣掉三分一後其餘讓利潤往前跑。  唔好投資高負債公司,因為佢地抗跌能力差及集資能力差,除航空公司(因為要借錢買飛機),其餘公司負債高一定有問題,因為高通脹期已結束,借錢發達日子1997年劃上休止符;公司毛利率低者亦應沽出,咁代表冇競爭力,必須將產品賤價而沽才能保持市場佔有率;毛利率低於15%者已不應沾手,除非你真正了解該行業,明白該行業盛衰周期。例如酒店業,唔少成功者2003年擴充,因為佢地知道自由行將改變酒店業生態環境,但到今年應否繼續擴充又成疑問。例如零售業唔少老行專2003年低毛利率時期擴充,去年下半年起便停止,充分利用行業盛衰周期。乜GDP增長率、零售數字、失業率甚至CPI增長率,都係落後指數,可以不理。一間公司如存貨上升而毛利率下降便得小心,此乃危險訊號,沽之哉。